Para todos vós, e tamén para as vosas familias, o meu aplauso e admiración.
Gracias por todo o que vos esforzastes neste curso tan extraordinario: fixestes quilos de tarefas nunha situación moi especial.
De todo se sale e de todo se aprende. Agora poderemos valorar aínda máis regalos maravillosos que non se compran: tempo, corazón, esperanza, alegría,...
Quero desexarvos unhas moi felices vacacións e un merecidísimo descanso e espero vervos felices o próximo curso, como sempre.
Desde a Aula de Candi e para todos, queremos propoñer para esta última semana deste "inesperado" curso, unha sinxela actividade recordando un dos poemas que na aula recitabamos moitas veces. Contamos con Leoncio que nos achega unha fermosa obra de arte de Salvador Dalí, convidando a botar unha mirada ao mundo dende unha xanela. Que vedes vos desde a vosa xanela favorita? Contádenos a través de letras, debuxos, recortes...
Andrea del Missier fixo este cadro superchulo dunha paisaxe vista dende unha xanela. Saberiades decir cantos animaliños vedes nel?
Desde a Aula de Candi, teacher Esther proponnos estas actividades para practicar inglés e pasar un momento xeitoso e divertido. Así que desfrutade e soltade ese corpiño!!
Desde a Aula de Candi e para tod@s os nenos e nenas de infantil, propoñemos repoñer forzas e enerxía facendo unha "Festa da froita". O noso amigo Leoncio nos convida a preparar divertidas e sabrosas recetas "artísticas".
Imos a pola última actividade que faremos este curso dende a clase de reli.
Podemos pedir a algún maior que nos axude a rebuscar nos álbums de fotos. Aqueles que forades bautizados, de seguro que teredes fotos dese día. Elixide unha.
Logo, intentade convencer a alguén que estivese con vós nese día tan especial ( papá, mamá, un avó, padriño, madriña, tía ) para que se sente con vós e vos comente a foto, o que pasou: onde vos levaron, como iades vcestidos, quen foron os padriños, quen vos acompañou, anécdotas,...
Familia, aproveitade o momento e conversade con eles, que vos pregunten...seguro que será proveitoso.
Déixovos para ilustrar dous cortos sobre o Bautismo de Xesús e sobre os elementos do Bautismo (inda que é para nenos algo máis maiores haberá detalles que vos chamen a atención e vos irá sonando):
O bautismo de Xesús
Elementos do Bautismo
E aquí rematamos o curso. Espero que descansedes moito e disfrutedes do verán todo o posible. Seguro que nos vemos!! Un abrazo moi, moi, moi forte a tod@s.
COMO XA SABEDES ESTES DÍAS ESTAMOS A CONMEMORAR O DIA DOMEDIO AMBIENTE E O DIA DOS OCÉANOS.
CONTINUAMOS COA PROPOSTA DE ACTIVIDADES CONVIDÁNDOVOS A FACER ESTES XOGOS CON DIFERENTES MATERIAIS SENSORIAIS: DESDE LANZAMENTO DE ESPONXAS CON AGUA E TRASVASE DE TAPÓNS CON PALILLOS ATA FERMOSOS MANDALAS CON ELEMENTOS DA NATUREZA (PÉTALOS, PEDRAS, FOLLIÑAS...)
Dende os equipos de Dinamización, Biblioteca e Voz Natura, propoñemos varias actividades para celebrar o Día do Medio Ambiente (5 de Xuño) e o Día dos Océanos (día 8) , que nos invitan a reflexionar e respetar a contorna que nos rodea. Desde contos, cancións, láminas para imprimir e completar , manualidades acuáticas (reciclando)...
Convidamos a escoller o que máis vos guste para esta semana experimentando, manipulando e disfrutando mentras dialogamos sobre o que está nas nosas mans para coidar o planeta.
GRAZASSSSSS POR COIDAR DO PLANETA , O PODER ESTÁ NAS VOSAS MANS!
Investigamos e escoitamos a “Música favorita da miña familia”. Buscar as cancións en Youtube e subilas ao muro, podedes enviar unha por cada membro da familia. Na descrición escribir: “Esta é canción favorita de...” (papá, mamá, avoa...).
esta semana vos envío unha proposta máis tranquiliña. Vos deixo uns contos para que vexades e escoitedes, algúns xa os vimos nas clases de psicomotricidade da man de Katie, seguro que vos soan. Aproveitade para repetir as palabras que din, e facer os xestos ou accións que fan os protagonistas. Algúns xa me mandastes vídeos e comprobei que o estades a facer, moi, moi, moi ben. Unha aperta forte!
Recordades a última obra de arte de grafo creativa? tiñamos que unir os puntiños de cores con liñas da mesma cor. Pois hoxe imos a facer o mesmo pero dándolle unha volta, apuntádesvos?
Ingredientes:
Cartolinas ou papeis de cores.
Pegamento.
Tesoiras.
Unha cartolina grande (base) pode ser branca ou negra.
Paso 1: temos que buscar pola casa obxectos que teñan forma circular de distintos tamaños, marcamos a súa circunferencia nas cartolinas de cores, recortamos os círculos e pegámolos na cartolina de base.
PASO 2: recortamos tiras de cores e unimos os círculos da mesma cor coas tiras facendo pontes.
Paso 3: admirar o voso traballo, esforzo e creatividade!